هنيالك بتعذيبي

من طرف **يزن** الإثنين يونيو 01, 2009 11:12 pm

هنيالك أبارك لك بتعذيبي .. / وسهر عيني

انا راضي ب تجريحك .. / مادام الجرح يهنالك

على كيفك و تحت أمرك .. وسو اللي تبي فيني
من إيدك هذي ل هذي أبد لا ينشغل بالك ..

إذا أفراحك على حسابي / ب أمد الحزن ل إيديني
و أبفرش ل الهموم أجمل حرير الكون كرمالك

ولو يرضيك أرده على ليالي بماضي سنيني
أحولها ل قلبي هم لأجل تتحقق أمآلك

انا صدقني غير الناس .. / انا غير المحبين
انا أحبك قبل نفسي / .. وحيل أهتم بأحوالك

ولكني أخاف إنك .. تدور ماتلاقيني
وانا موجود قدامك.. متبعثر من أفعالك

جسد إنسان .. شكل إنسان .. ماتقدر تناديني
ولا في روح .. كلي جروح .. هذا سبت أهمالك

يضيع الحب و لحظتها .. حبيبي وينك و ويني
يزورك طيفي بحلمك .. / يبارك لك هنيالك